شام کے لئے اقوام متحدہ کے خصوصی ایلچی ٹرمپ کی ٹیم کے ارکان سے ملاقات کریں گے

شا م کے لئے اقوام متحدہ کے خصوصی ایلچی اسٹیفن دیمستورا نے کہا ہے کہ وہ شام میں گزشتہ چھ برس سے جاری خانہ جنگی کے معاملے پر امریکہ کے نو منتخب صدر ڈونالڈ ٹرمپ کی ٹیم کے لوگوں سے ملاقات کا منصوبہ بنا رہے ہیں۔ڈی مستورانے صحافیوں کو بتایا کہ انہوں نے مسٹرڈونالڈ



ٹرمپ کی ٹیم کے ارکان سے ملاقات کرنے کا منصوبہ بنایا ہے اور اس سلسلے میں کل نیویارک اور واشنگٹن میں میٹنگ ہو سکتی ہے۔اقوام متحدہ کی سلامتی کونسل بند دروازے میں حالات سے واقف کرانے کے بعد خصوصی ایلچی نے بتایا کہ وہ بات چیت کے سلسلے میں منگل تک امریکہ میں ہی رہیں گے۔